Transparéncia en sector privat Era transparéncia ei un des elements releuants deth punt d’enguarda dera governança. Per governança prenem eth procès per mejan deth quau er ensemble d’institucions economiques, politiques e sociaus d’un país participen der exercici deth podèr. Se da «bona governança» quan i a ua elaboracion des politiques publiques dubèrta, prevedibla e transparenta; quan era aparelh burocratic agís cossent damb era etica professionau; quan er executiu respon des sues accions; quan ua societat civila refortida participe enes ahèrs publics, e tot aquerò se da jos er estat de dret. Es mecanismes destinadi a garantir era bona governança son tres: prumèr, era existéncia de normes e contraròtles intèrns; dusau, era participacion ciutadana, e tresau, era creacion des condicions entà que i age competéncia en sector privat. Atau, ena consecucion deth ben comun se i impliquen non sonque es podèrs publics mès tanben d’auti actors decisius coma son es economics e era societat civila madeisha. En agues sens, correspon tanben ath Burèu Antifrauda possar iniciatives orientades a favorizar ua participacion responsabla deth sector privat enes politiques publiques. Iniciatives remercables Eth Burèu Antifrauda posse era adesion ath Pacte Mondiau. Associacion entàs Nacions Unides en Espanha, 2012 Principis de transparéncia e prevencion dera corrupcion entàs enterpreses. Transparencia Internacional España, 2012
