I a tres tìpes de conflictes d’interès: eth conflicte d’interès reau, eth potenciau e er aparent.
Ethc conflicte d’interès ei reau s’era persona a un interès particular per rapòrt a un determinat judici o discerniment professionau e se tròbe ja efectivament en ua situacion a on a era obligacion d’aufrir aqueth judici. Per aquerò poríem díder qu’es conflictes d’interès reaus son risqui actuaus.
Un conflicte d’interès ei potenciau s’era persona a un interès particular que poirie influïr ara ora de hèr un judici professionau dera posicion o cargue qu’aucupe estant, mès encara non se tròbe en ua situacion a on age d’aufrir aqueth discerniment.
Un conflicte d’interès ei sonque aparent quant era persona non a un conflicte d’interès –ne reau, ne potenciau-, mès bèth aute poirie arribar a conclòir rasonablament, ne que siguesse de manèra temptativa, que òc que n’a. Sabem qu’un conflicte d’interès ei aparent quan se resòlv simplament aufrint tota era informacion de besonh entà provar que non i a cap de conflicte d’interès, ne reau ne potenciau.
