Estruments de Antifrauda Eth Burèu Antifrauda de Catalonha a desvolopat, ath long des darrèri ans, diferenti estruments que vos pòden resultar utils. Aguesti estruments, que tanben trobaratz recuelhudes ara Guida entà elaborar un ‘Plan de mesures antifrau’, son: Orientacions entà redigir ua declaracion institucionau: un document que reculh diferent recomanacions que cau tier en compde ara ora d'elaborar era declaracion institucionau d'integritat, atau coma ua relacion de contenguts que pòt includir entà per'mor que sigue eficaç ena demostracion de compromís e responsabilitat. Orientacions entà configurar ua equipa tecnica d’avaloracion de risqui entara integritat: un document qu'arrecuelh ua sèria de recomanacions que cau tier en compde a l’ora de determinar l’equipa tecnica que licalerà amiar a tèrme era identificacion, analisi e avaloracion de risqui de corrupcion e fraudaria a l’organizacion. Procès de gestion de risqui: un estrument en linha que permet visualizar eth cicle de cinc fases entà identificar, analisar, avalorar, tractar e hèr eth seguiment des risqui de corrupcion e fraudaria. En navegar per cada fasa, se descorbissen es instruccions de trabalh e estruments aplicables. Mapa de risqui e catalòg de factors de risc ena contractacion publica: un estrument en linha que facilite l’analisi e l’avaloracion des risqui en un encastre clau com ei eth dera contractacion publica. Servís de modèl aplicable a auti encastres d’accion administrativa susceptibla d’activar-se damb era gestion des hons Next Generation EU (subvencions, accès a l’aucupacion publica...). Catalòg d’estruments entà gerir es conflictes d’interès: un conjunt d'ueit estruments preventius (de deteccion e gestion) e quate estruments contingenti (de gatge), qu'es institucions an d’articular entà gerir corrèctaments es situacions de conflicte d’interès. Ath delà, ajuda a esclarir concèptes claus ena matèria. Canau intèrne d'alèrtes. Reflexions en relacion damb era implantacion de canaus intèrnes d’alèrtes enes entitats publiques: exigéncies normatiues: publicacion damb recomanacions qu'orienten e resòlven dobtes a l’ora d’implantar un canau de denóncies que complisque damb es estandards establidi ara Directiva europèa d'emparament de persones alertadores. Fòrça ‘plans de mesures antifrau’ auràn de preveir aguesti canaus entre es sues mesures de deteccion dera fraudaria e era corrupcion.
