Servici Meteorologic de Catalonha (Meteocat)

Noveme-2025

A conseqüéncia d'ua denóncia sus possibles irregularitats e tracte de favor ena adjudicacion de contractes per part deth Servici Meteorologic de Catalonha a enterpreses restacades a ua determinada persona, s'a incoat ua accion que s'a examinat s'es hèts denonciadi presentauen indicis sufisents d'irregularitat en matèria de contractacion publica. En examen amiat a tèrme s'an acreditat indicis de sufisenta entitat, e, de hèt, es irregularitats iniciauments apreciades en fasa de versemblança an demorat corroborades. Totun, s'a arxivat era accion pr'amor que s'a verificat qu'aguesti madeishi hèts an ja estat objècte d'accions coincidents en aute encastres, includidi era via penau, era Agéncia Catalana dera Competéncia e un informe dera Sindicatura de Compdes.