(Articles 1, 13 e 20)
Per çò qu'ei deth regim de recorsi des decisions que s’adòpten (en l’encastre des accions derivades dera gestion des informacions o comunicacions), cau distinguir entre dus supòsits: quan aguesta s’adòpten enes procediments de gestion d’informacions de canaus extèrnes, e quan s’adòpten es procediments de gestion des sistèmes d’informacion intèrna d’entitats deth sector public.
Per çò qu'ei des decisions adoptades enes procediments de gestion d'informacions de canaus extèrnes era Lei preve, tant en l’article 13.5 coma en 20.4, qu'es decisions adoptades per organismes publics damb foncions de comprovació o investigacion e pera Autoritat Independenta d'Emparament non son susceptibles de recors ne en via administrativa ne en via contenciosa administrativa, sens perjudici deth recors administratiu o contenciós administratiu que se pogue interpausar en cas dera resolucion que mete fin ath procediment sancionador que se pogatz incoar damb escadença des hèts comunicadi.
En çò que tanh as decisions adoptades en marc deth procediment de gestion des informacions arrecebudes en un canau intèrne d’ua entitat deth sector public, cada viatge que non complisquen es requisits previsti en l’art. 112 dera Lei 39/2015, non seràn susceptibles de recors administratiu. Cau arrebrembar que l’art. 1.2 dera Lei 2/2023 establís qu'era fin d’aguesta Lei tanben ei enfortir era cultura dera informacion, es infrastructures d’integritat des organizacions e eth foment dera cultura dera informacion o comunicacion coma mecanisme entà previer e detectar menaces a l’interès public. Donques, damb caractèr generau, es decisions que s’adòpten en aguesti procediments se centraràn en l’emission de recomanacions entà enfortir es infrastructures d’integritat e era cultura dera informacion laguens de l’entitat o ben en denonciar eventuaus responsabilitats penaus o disciplinàries deuant es organs competents e, en conseqüéncia, cap d’aguestes decisions non serien actes susceptibles de recors.
