Es estadi membres auràn de velhar pr'amor que non se revèle era identitat dera persona alertadora sense eth sòn consentiment exprés a cap persona que non sigue un membre autorizat deth personau competent entà arrecéber e tramitar denóncies.
Era Directiva establís exprèssaments qu'aguesta cautela s’a d’aplicar a quina auta informacion que sigue que se ne pogue dedusir dirèctaments o indirecta era identitat dera persona alertadora.
Era identitat dera persona alertadora se poderà revelar, mès, quan constituirà ua obligacion de besonh e proporcionada imposada peth Dret nacionau o dera Union en contèxt d’ua investigacion amiada a tèrme pes autoritats nacionaus o en marc d’un procès judiciau, mès que mès per salvaguardar eth dret de defensa dera persona interessada; en aguesti casi era Directiva prevedec bères mesures de salvaguarda dera persona alertadora.
Article 16 dera Directiva
