Qüestions mès frequentes

Èm ua institucion independenta dirigida a preservar era transparéncia e era integritat des administracions e deth personau ath servici deth sector public en Catalonha. Antifrauda a coma objectiu prioritari previer e recercar possibles casi d’usatge o destinacion fraudolosa de hons publics o quinsevolh profitament illicit que sigue derivat de conductes que compòrten conflictes d’interès o er emplec particular d’informacions derivades des foncions pròpries deth personau ath servici deth sector public.

Eth contraròtle dera nòsta activitat correspon ath Parlament de Catalonha, a qui rendem compdes. Depéner der organisme que represente era sobeiranetat de toti es catalans e catalanes legitime eth nòste trabalh e ne garantís era independéncia.

Era persona que sigue se pòt adreçar a Antifrauda entà denonciar hèts que se poguen considerar constitutius de corrupcion o de conductes fraudoloses o illegaus contràries as interèssi generaus der encastre territoriau de Catalonha.

En sector public de Catalonha:

• Era Administracion dera Generalitat, es sòns organismes, entitats restacades e enterpreses publiques que ne depenen.
• Es entitats locaus: ajuntaments, deputacions provinciaus, conselhs comarcaus, entitats metropolitanes, mancomunitats de municipis, consòrcis e rèste d’entitats e organismes integrants dera Administracion locau.
• Eth Parlament de Catalonha per çò qu'ei dera activitat administrativa e era gestion patrimoniau.
• Es entitats estatutàries e es autoritats independentes.
• Es universitats publiques e es sues entitats esturmentaus.
• Es enterpreses publiques.
• Es consòrcis.
• Es fondacions, publiques o privades, que participen organismes publics.
• D’autes entitats esturmentaus, de dret public o privat, restacades as administracions catalanes o que ne depenen.

Es enterpreses e entitats privades e es persones fisiques que gerisquen servicis publics, executen òbres publiques o receben subvencions.

Per escrit, en tot hèr a constar ua relacion circonstanciada des hèts, que podetz presentar dirèctaments en Burèu o ben remanar per corrèu electronic o administratiu. Tanben podetz hèr ua denóncia de manèra totauments anonima a trauès dera Boèta de denóncies anonimes.

En article 16.4 dera Lei 14/2008, de 5 de noveme deth Burèu Antifrauda de Catalonha, impause as autoritats e as directors o responsables de burèus publics eth déuer de comunicar immediataments ath Burèu Antifrauda “es hèts que detècten e poguen èster consideradi constitutius de corrupcion o de conductes fraudoloses o illegaus contràries as interèssi generaus”.

Tota persona que denóncie o informe de possibles practiques corrompudes pòt obtier eth compromís escrit qu'era sua identitat non serà revelada e, en aguest cas, es sues donades seràn mantengudes eth secret peth Burèu.

Eth Burèu Antifrauda de Catalonha garantís era confidencialitat der alertador o ben eth sòn anonimat a trauès dera Boèta de denóncies anonimes, canau electronic que permet hèr ua denóncia deth tot anonima e mantier era comunicacion damb eth Burèu de manèra segura.

Eth Burèu Antifrauda de Catalonha assumís er engatjament de balhar assisténcia e assessorament a tot denonciant o informant qu'actue de bona fe. S'en bèth moment siguéssetz objècte de bèth acte de represalha coma consequéncia d’auer denonciat, ac podetz méter en coneishença deth Burèu Antifrauda e aguest promoirà o exercirà deuant es autoritats competentes es accions correctritzes o de restabliment que calgue, e deisharà constància des hèts, tanben, ena sua memòria annau que presente en Parlament de Catalonha.

Eth Burèu Antifrauda informe immediataments ara persona implicada individuaument en un hèt objècte de recèrca e li aufrís era possibilitat de que dèishe constància dera sua opinion.

Se ua recèrca afècte personauments a un naut cargue, foncionari, directiu o trabalhador, eth Burèu Antifrauda n’informe ath responsable dera institucion, der organ o dera entitat de qui depen o a on balhe servicis.

Antifrauda non pòt, en cap de cas, impausar sancions. Se des sues recèrques ne resulten indicis de delicte, li cau trasladar es hèts tara fiscalia o era autoritat judiciau e, se se tracte d'ua infraccion administrativa, prepause era aplicacion d'ua sancion disciplinària. Tanben pòt hèr recomanacions de melhora entà evitar es risqui de conductes impròpries.

Es administracions publiques, eth sòn personau e nauti cargues son obligadi per lei d’auxiliar ath Burèu Antifrauda e comunicar-li era informacion reclamada.

Ath delà des responsabilitats, quitament penaus, que se poguen derivar der incompliment injustificat deth déuer de collaboracion, se harà a constar ena Memòria o repòrt corresponent que s'adrece en Parlament.