Es persones alertadores desvolòpen un papèr clau a l’ora de descorbir e previer es infraccions que grèugen l’interès public e de protegir eth benestar dera societat. Maugrat açò, es potenciaus informants sòlen renonciar a informar dessús es sues preocupacions o sospèites per pòur de represalhes. En aguest contèxt cada còp i a mès reconeishença, tant a escalèr europèu com internacionau, dera importància de garantir una proteccion equilibrada e efectiva as persones informants.
Es denóncies e revelacions publiques constituïssen un des compausants primaris deth compliment deth Dret e des politiques dera Union, pr'amor qu'apòrten informacion as sistèmes nacionaus e dera Union responsabla de l’aplicacion des leis, era quau causa permet detectar, investigar e enjudiciar de manèra efectiva es infraccions deth Dret dera Union, de sòrta que se melhore era transparéncia e eth retiment de compdes.
Prumèrs considerands dera Directiva
