Denóncia

Icon1

Auetz coneishença d’un cas de corrupcion o de males practiques en sector public catalan e ne podetz aportar pròves?

Icon1

Eth Burèu Antifrauda de Catalonha vos aufrís diuèrsi canaus entà que pogatz denonciar quinsevolh situacion de frauda o corrupcion que n’ajatz coneishença en relacion damb eth sector public catalan.

Icon1

E tostemp garantint era confidencialitat der alertador, que contribuís atau a renfortir era integritat deth sector public en Catalonha.

  • Per internet, per mejan dera Boèta de denóncies anonimes. Aguest ei un canau segur d’administracion des comunicacions, pr’amor que: permet er anonimat pendent tot eth procès e era bidireccionalitat des comunicacions, e oculte era identificacion deth vòste dispositiu (adreça IP) connectat ath hilat.

  • Per internet, amplint aguest formulari e enviant-lo per corrèu electronic tà: bustiaoac@antifrau.cat; o ben, damb identificacion prealabla damb certificat digitau (signatura electronica), en tot annexar-lo ar apartat Denonciatz dera sedença electronica.

  • Per fax: 935 545 564

  • Presenciauments, en registre generau deth Burèu Antifrauda de Catalonha (c/ Ribes, 1-3. 08013 Barcelona, de deluns a diuendres de 9 a 14o) en quinsevolh registre des administracions publiques.

Podetz descargar aguest formulari damb instruccions entà presentar era vòsta denóncia.

Entà mès informacion aperatz ath 935 545 555

Quinsevolh persona se pòt adreçar ath Burèu Antifrada de Catalonha entà denonciar hèts que se poguen considerar cas de corrupcion o de conductes fraudoloses o illegaus contràries as interèssi generaus.

Maugrat qu’es denóncies son voluntàries, er article 16.4 dera Lei 14/2008, de 5 de noveme, deth Burèu Antifrauda de Catalonha, impause as autoritats e as directors o responsables de burèus publics eth déuer de comunicar aguest tipe de hèts immediatament a Antifrauda.

S’analise era veracitat des hèts denonciats e se verifique s’eth Burèu Antifrauda a competéncia entà hèr-ne era recèrca. S’era persona denoncianta actue damb consciéncia dera manca de veracitat des dades aportades o damb era soleta tòca de denigrar ara persona o ara institucion denonciades, se li poiràn exigir es responsabilitats que corresponguen.

  • Eth hèt que motive era denóncia.
  • Nom dera administracion o entitat deth sector public contra eth quau se pause.
  • Ua explicacion braca des passi ja hèti prealablaments e des circonstàncies relatives as hèts denonciat.
  • Eth prenom e noms, era adreça postau e eth telefon (en cas de que non se tracte d’ua denóncia anonima) dera persona que formule era denóncia. Ei convenent d’adjúnher ua còpia deth DNI.

Era denóncia pòt èster anonima; çò de mès important ei era veracitat des hèts expausats, non era persona que la hè. Ara, poder mantier un canau de comunicacion dubèrt damb eth denonciant facilite e accelère eth procès d’analisi e recèrca d’Antifrauda.

Podetz presentar es denóncies de manèra anonima per mejan de quinsevolh des opcions qu’aufrim, lheuat d’a trauèrs deth formulari dera sedença electronica, pr’amor que cau era signatura digitau.

Antifrauda a abilitat era Boèta de denóncies anonimes. Un canau segur d’adminission des comunicacions, pr’amor que permet era anonimat pendent tot eth procès e era bidireccionalitat des comunicacions, e oculte era identificacions deth vòste dispositiu (adrèça IP) connectat en hilat.

Tota persona que denóncie o alèrte de practiques presumidament corruptes pòt obtier er engatjament escrit de qu’era sua identitat non serà revelada e, en aguest cas, eth Burèu Antigrauda mantierà es sues dades en secret. Amassa damb era reserva d’identitat, eth Burèu Antifrauda balhe assisténcia e assessoracion ar alertador.

Tanlèu qu’era nòsta institucion age coneishença de qu’era persona denoncianta o informanta a estat objècte d’actes d’intimidacion o de represalhes, promoirà o exercirà dauant des autoritats competentes es accions correctores o de restitucion que siguen pertinentes.

Eth Burèu Antifrauda encamine es sues recèrques damb era maxima resèrva e confidencialitat, cossent damb era lei. Tostemp que pòt, e non tanh a informacion personau que non ei cap publica, comunique ath denonciant eth contengut dera resolucion que se’n seguís. Quan ua recèrca ei archivada, Antifrauda informe ath denonciant entà que, s’ac cre pertinent, pogue trasladar era informacion a ua auta autoritat.

Eth director deth Burèu, ena Instruccion 1/2019, de 27 de seteme, fixa es directritzes e es critèris de inadmissió e arxivament de denóncies o comunicacions, e s'identifiquen es supòsits d'accion preferent enes casi de comprovació e inspeccion realizada a iniciatiua deth Burèu Antifrau. Era instruccion la pòdes consultar ací.

Antifrauda de Catalonha non pòt cap imposar sancions. Se des sues recèrques ne ges indicis de delicte a de trasladar es hèts tath Ministèri Public o tara autoritat judiciau e, s’ei eth cas d’ua infraccion administrativa, proposar era aplicacion d’ua sancion disciplinària. Tanben pòt, simplament, hèr recomanacions d’amelhoracion entà evitar risqui de conductes impròpries.

Podetz comunicar ath Burèu Antifrauda es actes de corrupcion que tanhen as interèssi generaus o ara gestion des hons publics que n’ajatz coneishença. Antifrau pòt actuar per rapòrt a: entitats deth sector public de Catalonha (Administracion dera Generalitat, ajuntaments, deputacions, conselhs comarcaus, universitats publiques, enterpreses publiques, etc.); entitats o persones privades que siguen contractistes deth sector public, exclusivaments o en relacion damb es contractes publics formalizadi, e entitats o persones privades que siguen beneficiàries de subvencions deth sector public, exclusivament o en relacion damb es subvencios recebudes.

Podetz comunicar a Antifrauda es actes de corrupcion que n’ajants coneishença. A mòda d’exemple, ei procedent d’informar des conductes que seguissen:

  • Emplec o destincion illegau de hons publics.
  • Desviament de subvencions entà tòques que non i an estat autrejades.
  • Irregularitats ena contractacion publica.
  • Irregularitats urbanistiques.
  • Arbitrarietats que determinen un accès inegau a bens, subvencions e servicis publics.
  • Profitament particular e arbitrari des bens e installacions publiques.
  • Favoritisme e d’autes irregularitats ena concession de licéncies, permisi o autorizacions.
  • Conflictes d’interès, incompliments deth déuer d’abstencion e dera normativa d’incompatibilitats.
  • Acceptacion de presents o de tractes de favor per part de servidors publics.
  • Usatge en benefici privat d’informacions obtengudes en exercici de foncions publiques.
  • Lucre patrimoniau injustificat d’autoritats e foncionaris, derivat der exercici des sues responsabilitats pubiques.
  • Manca de transparéncia o quinsevolh forma d’endrabament en accès ara informacion publica.

Antifrauda non pòt cap actuar en relacion damb era frauda fiscau o sociau/laborau, ne en relacion damb fraudes de naturalesa privada.

Antifrauda non pòt cap actuar en relacion damb era frauda fiscau o sociau/laborau, ne en relacion damb fraudes de tipe privat.

  • Problèmes que se seguissen dera relacion contractuau damb ua entitat bancària: cobrament de comissions desconvenentes, clausules abusives, prèsti damb interèssi exageradaments elevats, eca. En aguesti casi podetz presentar un planh a quinsevolh Burèu d’Informacion ath Consomador o ara Agéncia Catalana de Consomacion (Agència Catalana del Consum).
  • Problèmes que se seguissen dera crompa o servici entre particulars o entre un particular e ua enterpresa. Se s’agís d’ua enterpresa qu’aufrís servici d’interès generau (electricitat, aigua, gas, telfonia) podetz contactar damb eth Sindic de Grèuges. Enes auti casi podetz presentar un planh a quinsevolh Burèu d’Informacion ath Consomador o ara Agéncia Catalana de Consomacion.
  • Enguses entre particulars.

Se ja auetz denonciat es madeishi hèts dauant des fòrces de seguretat, es tribunaus o eth Ministèri Public non podetz cap presentar ua naua denóncia. S’auetz coneishença de qu’aguesti oraganismes an iniciat es recèrques corresponentes, non podetz cap presentar era madeisha denóncia pr’amor qu’eth Burèu Antifrauda non pòt pas complir foncions corresponentes ara autoritat judiciau, eth Ministèri Public o era policia judiciau, no pòt pas recercar es madeishi hèts que siguen objècte des sues recèrques. En cas supausat de qu’era autoritat judiciau o eth Ministèri Public inicièssen un procediment entà determinar era importància penau d’uns hèts que ja son recercats peth Burèu Antifrauda, aguesta a d’interrómper es actuacions e balhar immediatament tota era informacion qu’age, a mès de dar eth supòrt de besonh ara autoritat competenta.