Politica de privacitat deth Burèu Antifrauda de Catalonha

Enregistratz d’activitats de tractament

Eth Burèu Antifrauda de Catalonha, coma responsable deth tractament de dades de caractèr personau, compde damb un Enregistratz d’activitats de tractament d’acòrd damb es previsions de l’art. 30 deth Reglament (UE) 2016/679 deth Parlament Europèu e deth Conselh, de 27 d’en abriu de 2016, relatiu ar emparament de persones fisiques per çò qu'ei deth tractament de dades personaus e ara liura circulacion d’aguestes dades e aquerò que dispòse l’art. 31 dera Lei organica 3/2018, de 5 de deseme, d'emparament de dades personaus e gatge des drets digitaus.

Podetz consultar aguest Enregistratz d’activitats de tractament ath següent ligam:

Sedença electronica

Identitat deth responsable deth tractament

Era responsabilitat deth tractamet des dades de caractèr personau que se donguent per mejan d’aguest siti wèb correspon ara Direccion deth Burèu Antifrauda de Catalonha damb sedença en C/ Ribes 1-3 | 08013 Barcelona (d’ací entà dauant, eth Burèu).

Eth Burèu garantís era confidencialitat des dades personaus que se donguen per mejan d’aguest wèb enes tèrmes establidi peth Reglament 2016/679 deth Parlament Europèu e deth Conselh de 27 d’abriu de 2016 (RGPD), relatiu ara proteccion des persones fisiques en çò que tanh ath tractament des dades personaus e ara liura circulacion d’aqueres dades, e tanben entara rèsta de normativa que sigue d’aplicacion, especiauments era que seguís:

  • Lei Organica 3/2018, de 5 de deseme, de proteccion de dades de caractèr personau e gatge des drets digitaus(LOPDGDD).
  • Reiau decret 1720/2007, de 21 de deseme, peth quau s’apròve eth Reglament de desvolopament dera Lei organica 15/1999, de 13 de deseme, de proteccion de dades de caractèr personau (RLOPD).
  • Reiau decret-lei 5/2018, de 27 de junhsèga, de mesures urgentes entara adaptacion deth Dret espanhòu ara normativa dera Union Europèa en matèria de proteccion de dades.

Es dades que se requerissen seràn es estrictament de besonh, adequades e pertinentes entara tòca que se recuelhen.

Dades de contacte dera persona delegada de protecion de dades

Cossent damb es previsions der article 37.7 deth RGPD se hè public que se pòt contactar damb era persona delegada de proteccion de dades deth Burèu Antifrauda de Catalonha ena adreça electronica que seguís: delegadapd@antifrau.cat.

Recuelhuda de dades e consentiment

Ena empara dera normativa en vigor s’informe de qu’es dades de caractèr personau que se demanen enes nòsti formularis s’incloiràn en fichèr corresponent a comdar deth moment que se balhe eth consentiment exprès per part dera persona titulara des dades.

Era informacion relativa ara tòca especifica entara quau se solliciten es dades de caractèr personau, e tanben era relativa ara sua coservacion e supression cònste en formulari de sollicitud de dades.

Legitimacion entath tractament des dades de caractèr personau dades per mejan des formularis d’aguest siti wèb.

Eth tractament des dades de caractèr personau dades per mejan des formularis d’aguest siti wèb se hè a partir deth consentiment manifestat de manèra exprèssa pera persona interessada, entath compliment dera tòca especifica de cada tractament.

Es dades de caractèr personau que se demanen per mejan des formularis corresponents son es adequades e necessàries entara finalitat damb era quau se recuelhen. Non seràn emplegades damb ua finalitat diferenta ad aquera entara quau an estat recuelhudes, e en cap de cas seran cedides a tresaus persones sense qu’era persona titulara i sigue cossenta, trèt des casi previsti pera normativa de proteccion de dades de caractèr personau.

Camères de videosurvelhança e proteccion des dades

Cossent damb er RGPD, e damb er art. 12.6 dera instruccion 1/2009, de 10 de hereuèr, sus eth tractament de dades de caractèr personau damb finalitats de videosurvelhança, vos informam de que:

  • En cas d’accedir ara bastissa deth Burèu Antifrauda de Catalonha, e pr’amor qu’era sua sedença compde damb un sistèma de videosurvelhança, es dades corresponentes as imatges captades seràn incorporades ath fichèr de videosurvelhança.
  • Era tòca deth tractament ei era de garantir era seguretat des persones, bens e dependéncies dera sedença deth Burèu Antifrauda de Catalonha.
  • Es imatges seràn conservades pendent eth termini maxim d’un mes a compdar dera captacion, qu’un viatge transcorrut aqueth mes s’esfaçaràn, lheuat que les calgue conservar entà acreditar era comission d’illicits.
  • Tot/a interessat/da poirà exercir es drets d’accès, rectificacion, supression, limitacion deth tractament, portabilitat des dades e oposicion ath dauant deth responsable deth tractament, en tot adreçar-se ara Direccion deth Burèu Antifrauda de Catalonha, carrèr de Ribes num. 1-2, 08013, Barcelona.
  • Es dades ser pòden cedir as fòrces e còssi de seguretat, cossent damb er art. 4 dera Lei organica 2/1986, de 13 de març, de fòrces es còssi de seguretat, damb era tòca de hèr recèrca d’actes illicits qu’agen estat enregistradi en camp de vision deth sistèma de videosurvelhança.
  • Era sollicitud d’imatges per part des fòrces e es còssi de seguretat cau que se hèsque en encastre des actuacions judiciaus e policiaus. Eth requeriment ath responsable deth tractament ei eth document que l’empare entà poder cedir es dades as fòrces e es còssi de seguretat o as jutjats e tribunaus qu’ac requerisquen.

Exercici de drets personaus: accès, rectificacion, supression, limitacion deth tractament, portabilitat des dades e dret d’oposicion (Articles 15 a 21 deth RGPD)

Tota persona a eth dret d’obtier confirmacion sus eth tractament o es tractaments qu’eth Burèu amie des sues dades de caractèr personau, e pòt exercir es sòns drets d’accès, rectificacion, supression, limitacion deth tractament, portabilitat des dades e oposicion ath dauant deth resposable deth tractament.

Entad aguesti efèctes, en ligam que seguís se balhe era informacion sus eth contengut de cadun des drets abans dits, era forma ena quau se pòden exercir e es terminis de resolucion; tanben se i compren formularis entà exercir aqueri drets.

Tramitacions associats ara LOPDGDD

Emplec de cookies

Eth Burèu emplegue cookies de tresaus e en concret de Google Analytics. Era persona usatgèra a era opcion d’impedir-ne era generacion e d’eliminar-les per mejan dera opcion corresponenta qu’aufrís cada navegador; blocar-ne er emplec pòt implicar que cèrti servicis d’aguest wèb non siguen disponibles.

Damb era finalitat d’amelhorar era experiéncia d’usatgèr, per mejant d’aguestes cookies eth Burèu obten informacion sus eth tipe de navegador, de dispositiu d’accès e de sistèma operatiu; tanben s’analise dades d’emplec ena navegacion, coma eth nombre de planes visitades, eth nombre de sessions, era activitat des persones visitantes e eth temps de navegacion. Ad aguesti efèctes, eth Burèu emplegue era informacion estadistica elaborada per Google Analytics.

Era informacion recuelhuda per mejan d’aguestes cookies, la transferís e archive Google enes sòns servidors cossent damb era sua politica de privacitat, que se pòt consultar en ligam que seguís:

https://developers.google.com/analytics/devguides/collection/analyticsjs/cookie-usage?hl=es-419

Es cookies non balhen per eres madeishes cap d’informacion que permete d’identificar era persona usatgèra.