Fri, 26/10/2018 - 11:47

Avertiment legau deth Burèu Antifrauda de Catalonha

Informacion generau deth lòc wèb deth Burèu Antifrauda de Catalonha e des sòns contenguts

Eth Burèu Antifrauda de Catalonha a era sua sedença en carrèr Ribes num. 1-3 | 08013 Barcelona (tel. 93 554 55 55), corrèu electronic bustiaoac@antifrau.cat.

Era sua adreça electronica, www.antifrau.cat ei un domeni en Internet qu’era titolaritat correspon ath Burèu Antifrauda de Catalonha.

Es principaus normes en virtut des quaus se regís eth Burèu Antifrauda de Catalonha son es que seguissen:

  • Lei 14/2008, deth 5 de noveme, deth Burèu Antifrauda de Catalonha
  • Normes d’actuacion e de regim interior deth Burèu Antifrauda de Catalonha, aprovades pera Comission d’Ahèrs Institucionaus deth Parlament de Catalonha ena Session de 25/11/2009
  • Estatuts de regim e govèrn interiors deth Parlament de Catalonha
Es tòques principaus deth Burèu Antifrauda de Catalonha son es que seguissen:
  • Previer era corrupcion, assessorar e hèr recomanacions entà adoptar mesures contra era corrupcion, es practiques fraudoloses e es conductes qu’atempten contra era integritat e era transparéncia en exercici des foncions publiques, en tot cooperar damb es autoritats competentes e en tot collaborar ena formacion en aguest domeni deth personau ath servici deth sector public, e tanben possar totes es mesures que siguen pertinentes entà arténher era transparéncia ena gestion deth sector public.
  • Recercar possibles casi concrets d’emplec o destinacion illegaus de hons publics o tot aute aprofitament irregular derivat de conductes que compòrten conflicte d’interèssi o er emplec en benefici privat d’informacions derivades des foncions pròpries deth personau ath servici deth sector public, en tot sosméter ath coneishement des autoritats administratives competentes, deth Ministèri Fiscau e dera autoritat judiciau -segon correspongue- es hèts e conductes des quaus s’age notícia e enes quaus s’obsèrven indicis de que s’a comés infraccions disciplinàries o agen auut lòc conductes o hèts possiblament delictius.

Condicions d’emplec deth siti wèb

Er emplec d’aguest lòc wèb implique era plea e exprèssa acceptacion des condicions que s’expausen ara seguida:

  • Aguest ei un siti wèb qu’eth Burèu Antifrauda de Catalonha met a disposicion des persones usatgères damb era tòca de facilitar er accès ara informacion e as servicis que balhe aguesta institucion.
  • Aguest siti wèb e toti es sòns contenguts, tanben es tèxtes, es imatges e tot aute element son proprietat deth Burèu Antifrauda de Catalonha o ben de tresaus persones que n’an autorizat er emplec.
  • S’autorize era reproduccion dera informacion disponibla en aguest siti wèb, damb excepcion des contenguts sus es quaus tresaus persones agen drets de proprietat intellectuau o industriau.
  • Non s’autorize era desnaturalizacion dera informacion contenguda en aguest siti wèb
  • Non ei cap permetuda era modificacion d’aguest siti wèb ne des sòns contenguts, lheuat des persones exprèssaments autorizades entad aquerò.
  • Era reproduccion, totau o parciau, dera informacion disponibla en aguest lòc wèb requerirà que se’n hèsque a constar exprèssaments era sua origina e era data dera darrèra actualizacion.
  • Sonque s’autorize er usatge dera informacion contenguda en aguest lòc wèb damb finalitats non comerciaus.

Responsabilitat en çò que tanh as contenguts

En aplicacion de çò que dispòse era legislacion en vigor eth Burèu Antifrauda de Catalonha trabalhe entà qu'es informacions, es contenguts e es servicis aufridi o difonudi en sòn lòc wèb acomplisquen de manèra sufisenta era necessària integritat, veracitat, actualizacion, accessibilitat e usabilitat d’aguesta informacion, d’aguesti contenguts e d’aguesti servicis. Ad aguest efècte, cau auer en compde, per rapòrt a cadun des contenguts, era data d’actualizacion qu'en cada cas s’indique.

En aguest sens, eth Burèu Antifrauda de Catalonha se resèrve eth dret de modificar es contenguts deth wèb e d’eliminar-les, e de limitar o impedir-i er accès, ja sigue temporauments o definitivaments, sense notificacion prealabla, damb era tòca d’acomplir era legislacion abans dita.

Eth Burèu Antifrauda de Catalonha non ei cap responsable dera informacion que se pogue obtier a trauès de ligams a sistèmes extèrns que non siguen cap depenenti dera Institucion.