Eth Burèu Antifrauda de Catalonha a collaborat e collabòre damb diuèrsi organismes internacionaus e hilats anticorrupcion d’encastre internacionau e europèu. Dempús 2011 ei membre de plen dret dera Associacion Internacionau d’Autoritats Anticorrupcion (IAACA) e dera European Partners against Corruption (EPAC/EACN), es dus principaus hilats existents de collaboracion e escambi d’experiéncies ena prevencion e era luta contra era corrupcion. Enquiath 2016, Antifrauda siguec membre deth Comitat executiu dera IAACA, qu'eth 2016 patic ua reforma des sòns estatuts, e auec era vicepresidéncia der EPAC/EACN.
Tanben manten relacions d'escambi e collaboracion damb es principaus organismes internacionaus coma eth Burèu des Nacions Unides contra era Dròga e eth Crim (UNODC), en especiau per çò qu'ei deth sòn programa de difusion dera Convencion des Nacions Unides contra era Corrupcion enes universitats (ACAD), era Organizacion entara Cooperacion e eth Desvolopament Economic (OCDE) –en tot collaborar en prètzhèts d’assessorament en reformes institucionaus d’organismes anticorrupcion e en tot realizar aportacions a projèctes normatius d’aspèctes claus ena luta contra era corrupcion- atau coma damb organismes europèus, en especiau eth Burèu Europèu de Luta contra era Fraudaria (OLAF).
Se son veïculats nombrosi convènis de collaboracion damb agéncies anticorrupcion de competéncies analògues entà per'mor d'amiar a tèrme accions bilateraus en encastre dera prevencion dera corrupcion e der escambi de bones practiques, en nombroses escadences damb eth supòrt dera plataforma TAIEX (Technical Assistance and Information Exchange) dera Comission Europèa entà païsi pre-adesion.
Eth Burèu Antifrauda a estat beneficiari e a participat damb d’autes agéncies europèes ena metuda en marcha de projèctes finançadi pera Union Europèa, en encastre dera prevencion des conflictes d’interès (Projècte HERCULE III), prevencion dera corrupcion incidint en sector privat (Programa ISEC liderat peth Ministèri de Justícia d’Estònia), eth Collègi Europèu de Recèrques Financères e Analisi Financèra Criminau (Programa ISEC liderat pera Université de Management d’Estrasbourg e era promocion e er escambi de bones practiques ena deteccion, era recèrca e era sancion dera corrupcion ena UE (Programa ISEC 2012), aguest darrèr projècte liderat amassa damb eth Servici Centrau de Prevencion dera Corrupcion (SCPC) e damb era Fiscalia anticorrupcion romanesa.
Hilat d'Autoritats Europèes d'Emparament des Persones Alertadores (NEIWA)
Eth Burèu Antifrauda de Catalonha ei membre deth Hilat des autoritats europèes entara integritat e er emparament des persones alertadores (Network of European Integrity and Whistleblowing Authorities - NEIWA). Eth Hilat ei integrat per autoritats de païsi membres dera Union Europèa, païsi candidats tara UE e païsi de l’Associacion Europèa de Liure Comèrç (EFTA) que an un papèr centrau en l’encastre der emparament des persones alertadores (denóncies, investigacion, emparament, supòrt, assessorament, prevencion, educacion e/o aplicacion dera lei).
Rapòrt Anticorrupcion dera UE de hereuèr 2014, a on, pr’amor que denóncie ua manca d’enguarda globau per part der estat espanhòu, cite a Catalonha coma exemple de bona practica peth hèt d'auer-se dotat d'ua agéncia multidisciplinària, "era sola en sòn genre qu'existís en Espanha” (pag.16).
Addicionaument, eth Burèu Antifrauda trabalhe damb diuèrses organizacions dera societat civila, coma Transparéncia Internacionau (TI) damb projèctes coma es indèxes de transparéncia (des ajuntaments, des comunitats autonòmes, des deputacions, des parlaments o des enterpreses) e Projèctes coma eth de ENIS, qu’avalore eth Sistèma Nacionau d'Integritat espanhòu o era avaloracion deth Lobby en Espanha: analisi e propòstes.
