Formacion mixta en matèria de conflictes d'interès entà institucions publiques

Era experiéncia mos ditz qu'era formacion presenciau permet arténher objectius qu'era formacion exclusivaments virtuau (e individuau) non hè possibla. Mos referim, per exemple, a facilitar intèrnament espacis de debat institucionau sus es risqui mès abituau, escambiar experiéncies damb aute airau o departaments, compartir estrategies entà gerir-les adequadaments, etc.

Ath delà, ua formacion d'aguest tip, s'ei plan sometuda e enquadrada laguens d'ua estrategia intèrna d'enfortiment dera integritat institucionau, pòt actuar coma detonant e vier er impuls entà iniciar un trabalh intèrn mès ample, que vage ath delà dera madeisha formacion (elaborar guides o protocòus de bones practiques, designar referents intèrns en aguesta matèria, impulsar espacis de reflexion e escambi periodic entà identificar e avalorar risqui, generar recorsi intèrns de sensibilizacion, incorporar formauments era revision d'aguest tip de risqui ena prenuda de decisions,...).

Damb tot açò, e damb era volontat d'acompanhar es institucions publiques que volguen hèr un pas mès, eth Burèu a dessenhat, entath prumèr nivèu de competéncia d'aguest itinerari formatiu, ua solucion mixta que combine dues metodologies. En prumèr lòc, se prepause as participaires er estudi individuau e asíncron dera càpsula autoformativa Entratge as conflictes d'interès coma risqui, a trauès dera Aula virtuau Antifrauda e, en dusau lòc, era participacion en ua session síncrona presenciau, de 2 ores de durada, entà debàter, soscar e facilitar era transferéncia ath lòc de trabalh des contenguts prèviaments estudiadi. Es principau objectius d'aguesta session grupal son:

• Arreconéisher eth conflicte d'interès coma risc entara integritat institucionau, a compdar de casi versemblants
• Identificar e classificar es estruments de prevencion entà gerir-les adequadaments
• Soscar sus es risqui mès abituau en lòc de trabalh

Aguesta solucion formativa, en concrèt era session presenciau, s'adrece exclusivaments a institucions publiques. Per poder accedir-i, cau:

1. Integrar aguesta formacion en ua estrategia de foment dera integritat institucionau mès ampla (plan d'integritat institucionau; plan de mesures antifrauda; formacion promoiguda per comitats o comissions etiques; eca.)

2. Seleccionar un grop de participaires damb un papèr que se considère mès que mès considerable per çò qu'ei dera identificacion o gestion des conflictes d'interès, de sòrta que dempús poguen actuar coma referents intèrns en aguesta matèria (personau damb comandament, elegit locau, responsables o tecnics d'airau o servicis damb especiau incidéncia d'aguest tip de risqui –contractacion, seleccion de personau, subvencions,...–, etc.)

3. Garantir un grop de minim 30 persones e maximau 40

4. Compromís damb er estudi prealable dera càpsula autoformativa, prèviaments ara session presenciau. Eth dessenh dera session presenciau s'a previst entà facilitar un espaci de reflexion entorn des contenguts deth cors autoformatiu, ei per açò qu'era aprobacion deth cors se configure coma punt de partida imprescindibla, que non serà sense eth possibla assistir ara formacion presenciau

S'auetz de besonh agranir aguesta informacion, auetz bèth dobte o plan, dirèctaments, n'ètz interessadi e voletz hèr ua peticion entara vòsta institucion, podetz contactar damb er Airau de Formacion a trauès d'eth telefòn 935 545 555