Er article 10.1. b) dera Lei 2/2023, establís que son subjèctes obligadi es persones juridiques deth sector privat qu'entren en encastre d’aplicacion des actes dera Union Europèa en matèria de servicis, productes e mercats financèrs, prevencion deth blanqueig de capitau o deth finançament deth terrorisme que se lireferissen es parts I.B e II dera annèxa dera Directiva (UE)2019/1937. Aguestes persones juridiques lescau disposar d’un sistèma intèrne d’informacion d’acòrd damb eth que disposarà era sua nòrma especifica e damb independéncia deth nombre de trabalhadors. En aguesti casi, era Lei 2/2023 actue damb caractèr supletori.
D’acòrd damb era Lei 10/2010, de 28 abriu, de prevencion deth blanqueig de capitau e deth finançament deth terrorisme, es Fondacions e Associacions son subjèctes obligadi, mès sometudi ath regim simplificat qu'establís aguesta Lei en art. 39 e eth Reglament dera Lei 10/2010 en art. 42. D’aguesti articles non se dedusís qu'es fondacions e associacions lescalgue disposar des procediments intèrnes de comunicacion de potenciaus incompliments previsti en art. 26 e 26 bis dera Lei 10/2010. Donques, s'era nòrma especifica non establís era obligacion, entad aguesti subjèctes obligadi, de disposar de sistèmes intèrnes d’informacion, calerà aplicar supletòriament eth que preve er art. 10.1 a) damb caractèr generau entà quina persona juridica que sigue. En conseqüéncia, es associacions e fondacions que non siguen obligades a disposar des procediments intèrnes previsti ara Lei 10/2010 entara comunicacion de possibles incompliments mès qu'agen contractadi mès de 50 trabalhadors, auràn de disposar des sistèmes intèrnes d’informacion enes tèrmes previsti ara Lei 2/2023.
