Eth cas que bèra entitat dispòse, dempús d'abans dera entrada en vigor dera Lei 2/2023, de bèth canau diferent ath que exigís era nòrma (ex. un canau etic o un canau restacat as hons Next Generation), cau que l’intègre ath Sistèma intèrne d'informacion?

(Articles 2 e 5)

Es entitats obligades lescau disposar d’un canau intèrne d’informacion especifica, adaptat as exigéncies dera Directiva e dera Lei, a fin qu'es persones concernent l’article 3 poguen comunicar informacion sobri es infraccions previstes a l’article 2.

D’aute banda, era Lei 2/2023 determine qu'es entitats obligades an d’implantar un Sistèma intèrne d’informacion, e que hèn part d’aguest sistèma es diferenti canaus intèrna d’informacion que se poguen establir laguens de l’entitat (art. 5.2 d) dera Lei).

Era implantacion deth canau intèrne d’informacion ei compatibla damb eth hèt que l’entitat dispòse d’aute fluxi d’informacion ath delà de l’encastre personau o materiau d’aplicacion dera Lei. Serie eth cas, per exemple, des canaus establidi en relacion damb es Hons Next Generation, que calerie mantier operatius. En quin cas que sigue, ei important que se proporcione informacion clara sobri es prestacions deth canau e er emparament associat e que non s’indusisque a error era persona que ne hè usatge. Aguesta consideracion ei extensible as vulneracions deth còdi etic o es conductes constitutives d’sètge, per exemple, que cau explicitar quin ei eth procediment previst e eth nivèu d'emparament que an arreconeishut atau coma eth canau extèrne de referéncia.