Camins de hèr dera Generalitat de Catalonha

Deseme-2025

Arran d'ua denóncia sus un possible incompliment d'eth regim d'incompatibilitats des nauti cargues dera Generalitat, era accion a examinat era incorporacion, eth mes següent ath sòn cessament, de qui auie aucupat era direccion generau de Camins de hèr dera Generalitat de Catalonha (FGC) en un grop empresariau que auie resultat adjudicatari de diuèrsi contractes publics licitats per FGC pendent eth sòn mandat. En concrèt, s'a analisat s'aguesta incorporacion podie alebar era proïbicion d'intervier en activitats privades restacades a decisions adoptades pendent er exercici deth cargue. Enes accions d'instruccion amiada a tèrme s'an apreciat indicis d'irregularitat ena manca de consideracion d'aguest lòc coma naut cargue ar efècte dera nòrma d'incompatibilitats, atau coma ena manca de revision e adeqüacion dera sua contractacion laborau. Tanben s'an detectat irregularitats e incongruències en determinadi procediments d'adjudicacion de contractes de FGC, que aurien estat autrejadi, dirèctaments o damb escassa concurrència competitiva, a enterpreses deth madeish grop. Per aguest motiu, era accion a finalizat damb eth traslat des hèts e es accions ara Intervencion Generau dera Generalitat e ara Secretaria d'Administracion e Foncion Publica, coma organ competents en matèria de contraròtle financèr, inspeccion e supervision deth sector public.