Ajuntament d’Ullà

Abriu-2022

Ras d’ua denóncia, s’a investigat eth presomptiu tracte de favor per part deth Ajuntament d’Ullà vèrs ua persona que se liaurie favorit ada eth damb l’adjudicacion d’un seguit de contractes de diuèrsa natura e damb era concession deth usatge en exclusiva d’ues installacions municipaus. Maugrat es irregularitats e disfuncions metudes en evidéncia en aguesta accion investigadora, non s’a pogut inferir un risc superior a l’abituau pròpria e intrínsec dera gestion dera causa publica e dera prenuda de decisions sobri recorsi publics. Per contra, òc que se detecte l’adjudicacion de contractes mendres successius entara prestacion de servicis que l’Ajuntament requerís recurrentment, maugrat qu'aguest non ei eth mecanisme mès avient entà corbir era aguda de besonh d’aprovisionament dera entitat, ne çò de mès d'alinhat damb era nòrma en matèria de contractacion publica entà dar responsa ad aguest tipe de besonhs. Donques, es servicis s’aurien d’auer contractat mejançant procediments de licitacion respectuosos damb es principis de publicitat e concurrència. Eth Burèu Antifrauda recomane ath consistòri era utilizacion des mencionadi procediments de contractacion.