Ajuntament de Santa Oliva

Noveme-2022

Aguesta accion a per objècte determinar l’existéncia d’un presomptiu tracte de favor per part der Ajuntament a ua enterpresa de servicis peth hèt de perméter era utilizacion d’uns equipaments municipaus en tot prescindir deth procediment legauments establit e sense era apertienta liquidacion dera taxa d’utilizacion privativa municipau. Es accions indagatòries constaten qu'eth consistòri non unicaments aurie realizat ua activitat contractuau pera via de hèt, sense era tramitacion de cap tipe de procediment, mès qu'aguesta accion irregulara aurie estat realizada de forma deliberada e conscienta, en tot hèr cas omís as avertiments realizadi peth secretari interventor municipau respècte dera illegalitat que supausaue era signatura d’un convèni de collaboracion, en tot transgredir era nòrma de contractacion publica e es principis de concurrència, publicitat e transparéncia. Eth cas que mos aucupe implicarie un supòsit de causa de nul·litat deth convèni mencionat.