Ajuntament de Santa Margarida de Montbui

Octobre-2022

Coma conseqüéncia d’ua denóncia, s’a examinat eth presomptiu tracte de favor deth consistòri en l’adjudicacion d’un contracte de servicis mejançant eth procediment negociat sense publicitat. Des accions indagatòries, s’an identificat irregularitats en totes e cadua des fases dera contractacion deth servici: ena preparacion deth contracte, ena fasa de negociacion e en l’execucion deth contracte. Aguestes irregularitats includissen manca de justificacion deth besonh deth contracte, manca de plec de prescripcions tecniques, manca de justificacion entà l’eleccion deth procediment negociat sense publicitat, manca de delimitacion dera matèria objècti de negociacion, manque d’establiment de critèris d’adjudicacion valida, manca de negociacion efectiva, manca de justificacion dera adjudicacion e manca de justificacion dera adequada execucion deth contracte. Aguestes irregularitats non solaments supausen vicis de nul·litat de plen dret deth procediment, mès que resulten compatibles damb un tracte de favor per part dera corporacion a l’adjudicatari.