Ajuntament de Montcada i Reixac

Octobre-2021

Ras d’ua denóncia arrecebuda, s’a examinat un possible tracte de favor autrejat peth consistòri a ua enterpresa ena tramitacion des procediments de certificacion de compatibilitat urbanistica e licéncia d'activitat d’un negòci. Es accions investigadores an metut en evidéncia irregularitats ena tramitacion deth procediment administratiu d’atorgament d’ua licéncia d’activitat ara mercantila mencionada, que podie auer estat autrejada en tot contravier un certificat urbanistics emetudi dies abans pera madeisha administracion. Dites irregularitats acrediten ua accion deficienta de l’administracion publica tanhuda, qu'afècte non sonque era validesa de l’acte administratiu de concession dera licéncia de dita activitat mès que met en ahèr l’accion des persones responsables, tecnicianes e politiques, qu'intervengueren en dit procediment. Escartada era importància penau des hèts, coma atau ac certifiquèc en sòn moment eth servici de delictes urbanistics dera Fiscalia Provinciau de Barcelona, l’accion acabe damb ua resolucion d’arxivament atengut qu'es possibles responsabilitats disciplinàries derivades des irregularitats constatades se tròben prescrites.