Ajuntament de Martorelles

Noveme-2021

Ras d’ua denóncia arrecebuda, s’a investigat eth possible tracte de favor restacat ara natura, laborau o administrativa, dera relacion de l’Ajuntament damb era persona que prestaue un determinat servici extèrne de supòrt en un airau determinat deth consistòri, coma tanben s'ena sua contractacion se produsic un usatge irregular dera figura deth contracte mendre. des accions indagatòries se despren qu'era relacion juridica establida entre eth consistòri e aguesta persona ei era pròpria d’ua relacion de natura laborau, e non pas era d’ua relacion contractuau formalizada mejançant contractes administratius concatenats. Vista era recurrència en temps des servicis contractadi, l’Ajuntament podie auer hèt un usatge irregular des successius contractes mendres, justaments damb era fin de restringir era competéncia e assegurar-ne l’adjudicacion ara madeisha persona.