Ajuntament dera Aldea

Seteme-2022

L’objècte dera presenta accion se focalitza en un presomptiu tracte de favor d’un cargue elegit der Ajuntament dera Aldea vèrs un familhau, ena contractacion entà corbir diuèrsi lòcs de trabalh ath consistòri. Dera accion deth Burèu Antifrauda se pòt constatar qu'era prumèra contractacion ei degudaments justificada, atau coma es interinatges posteriors. Se plan aurien d’auer estat resultada d’un procès public selectiu, aueren ua durada fòrça cuerta en temps entà dar responsa a uns besonhs puntuaus. Aguesta practica non s’a repetit per part dera corporacion locau ne ena persona afectada ne en metòde, ans ath contrari, donques que s’an amiat a tèrme diuèrses convocacions entà per'mor de configurar borses de trabalh damb era fin de provedir besonhs sobrevingudes dera Administracion locau. D’aute banda, dera informacion obtenguda dessús era gestion des tres contractacions, metuda en relacion damb es responsabilitats e accions deth cargue elegit afectat, era sua preséncia ath consistòri non quitèc d'èster un mèr risc que non supausèc eth besonh de hèr usatge, per exemple, dera institucion dera abstencion, ne tanpòc a representat era constatacion dera existéncia d’ua accion irregulara. L’accion finalize damb ua resolucion d’arxivament.